ՀՀ Քննչական կոմիտեից մեծաքանակ խմբով ներկայացել են Արցախի ներկայացուցչություն: Խուզարկություն է տեղի ունենում Արցախի ներկայացուցչությունում՝ արցախցիների վերադարձին վերաբերվող խորհրդարանական լսումներից մեկ օր անց:
Արցախ Միության հիմնադիր նախագահ, Արցախի հանրապետության նախկին պետնախարար, Արցախի մարդու իրավունքների նախկին պաշտպան Արտակ Բեգլարյանի ձեւակերպմամբ, կարող է կապ լինել արցախցիների վերադարձին վերաբերող խորհրդարանական լսումների եւ այսօրվա խուզարկությունների միջեւ:
«Արցախի ժողովրդի վերադարձի իրավունքից հրաժարվողը չի կարող լինել Նիկոլ Փաշինյանը կամ ՀՀ վարչապետը: Արցախի ժողովուրդը պետք է որոշի՝ վերադառնո՞ւմ է, թե՞ չի վերադառնում: Արցախի ժողովուրդն է այդ իրավունքի տերը: Տվյալ պարագայում ՀՀ վարչապետը կարող է միայն ՀՀ կառավարության դիրքորոշումը ձեւակերպել, որը մեզ համար խիստ անընդունելի է եւ ցանկալի չէ:
Դատապարտելի է, որ Հայաստանի կառավարությունը նման դիրքորոշում ունի: Ընդ որում, իրավունքները վաճառքի է հանում, եւ երկրորդը, Փաշինյանը հավասարության նշան է դնում Արցախի ժողովրդի վերադարձի ու ադրբեջանցիների «վերադարձի» միջեւ, որտեղ որեւէ եզր չկա ոչ պատճառների մասով, թե ով ինչպես է լքել իր տունը, ոչ փոխհատուցումների, ոչ ժամկետների, ոչ ծավալների եւ ոչ էլ իրավական հիմքերի առումով»,-ասաց Արտակ Բեգլարյանը:
Կարդացեք նաև
Տեսանյութն ամբողջությամբ.
Գոհար ՀԱԿՈԲՅԱՆ
