5 միլիոն դոլարի ներդրում՝ հանրապետության հինգ քաղաքներում մանկապարտեզների կառուցման համար. «Տաշիր» բարեգործական հիմնադրամը հերթական ազգանպաստ ծրագրով էր Տաշիր քաղաքում, դեռ 2017 թվականին բացվել է վաստակաշատ մանկավարժ Ամալյա Կարապետյանի անունը կրող մանկապարտեզը: Այս մասին տեսանյութ է հրապարակվել Հայ գործարարների ասոցիացիայի և «Տաշիր» ընկերությունների խմբի նախագահ, գործարար Սամվել Կարապետյանի ֆեյսբուքյան էջում: Այն վերնագրված է՝
«Կարապետյանական ոճը սա է:
Մաս 2. Ներդրում մանկապարտեզի կառուցման համար` հանուն մեր երեխաների ապագայի: Սամվել Կարապետյանը մտածում է քո մասին»:
Տեսանյութում նշվում է, որ նախքան նախադպրոցական կրթօջախ դառնալը մանկապարտեզը վթարայնության ամենաբարձր աստիճանն ուներ, սակայն Ազգային ժողովի նախկին պատգամավոր Կարեն Կարապետյանի նախաձեռնությամբ և Սամվել Կարապետյանի տրամադրած միջոցներով այն կառուցվեց և կրթության հնարավորություն տվեց երեխաներին:
Կարդացեք նաև
«Պետք է մեր պարտքը համարենք և այս ուղղությամբ տանենք անհրաժեշտ աշխատանքներ: Մեկ բառով՝ սա կրթական համակարգի շղթայի առաջին օղակն է։ Այստեղի արդյունքները վաղը, մյուս օրն ենք զգալու, բայց պետք է հիմքերը ճիշտ դրվեն երեխայի հոգեբանության մեջ», – ասել էր Կարեն Կարապետյանը։
