Այսօր՝ դեկտեմբերի 18-ին, Ադրբեջանի պետական նավթային ընկերությունը (SOCAR) Հայաստան է մատակարարել տեղական արտադրության նավթամթերքի առաջին խմբաքանակը՝ AI-95 բենզինով լի 22 վագոն: Այս մասին հայտնում է Trend-ը:
1220 տոննա AI-95 վառելիքը Ադրբեջանի երկաթուղիների բեռնատար գնացքով Բաքվի բեռնատար կայարանից ուղարկվել է Բոյուկ Քեսիկ կայարան։ Այնտեղից բեռը Վրաստանի տարածքով կտեղափոխվի Հայաստան։
Հիշեցնենք՝ ադրբեջանական նավթամթերքի արտահանման մասին պայմանավորվածությունը ձեռք է բերվել նոյեմբերի 28-ին՝ Գաբալայում ՀՀ փոխվարչապետ Մհեր Գրիգորյանի և Ադրբեջանի փոխվարչապետ Շահին Մուստաֆաևի հանդիպման ժամանակ:
