Առաջին ատյանի դատարանը խախտել է Արագածոտնի թեմի քահանա Տեր Զորայր Կարապետյանի բնակարանի անձեռնմխելիության իրավունքը՝ բավարարելով քննիչի միջնորդությունը բնակարանում խուզարկության կատարելու բավարար տվյալների բացակայության պայմաններում:
Նման որոշում է կայացրել ՀՀ վերաքննիչ քրեական դատարանը՝ դատավոր Ադրինե Ղուկասյանի նախագահությամբ։
«Այսինքն, Վերաքննիչ դատարանն արձանագրել է Տեր Զորայրի բնակարանում խուզարկություն կատարելու փաստական հիմքի բացակայություն և որ դրա առկայության մասով Առաջին ատյանի դատարանի պատճառաբանությունները հիմնավոր չեն», -իր ՖԲ էջում գրել է փաստաբան Արմինե Ֆանյանը:
Հիշեցնենք, որ կարգալույծ եղած քահանա Ստեփան Ասատրյանի (Տեր Արամ) հայտարարությունների հիման վրա նախաձեռնված քրեական վարույթի շրջանակներում հոկտեմբերի 15-ին վաղ առավոտից Արագածոտնի թեմի հոգևորականների տներում խուզարկություններ են իրականացվել, ինչից հետո բերման են ենթարկել թեմի քահանաներին։
Կարդացեք նաև
Հոգեւորականների տներում խուզարկություններ իրականացնելու որոշումները բողոքարկվել էին Վերաքննիչ քրեական դատարան: Դատավորները մյուս բողոքներով եւս փաստել են՝ խախտվել է անձի բնակարանի անձեռնմխելիության իրավունքը:
