Կոռուպցիայի կանխարգելման հանձնաժողովը 2025 թվականի դեկտեմբերի 8-ի որոշմամբ վարչական տուգանք է նշանակել «Հայրենտէր» կուսակցության նախագահ, նախկինում «Ազգային ժողովրդավարներ» պատգամավորական խմբի անդամ Սամվել Շահինյանի նկատմամբ։ Տուգանքի չափ է սահմանվել նվազագույն աշխատավարձի 450-ապատիկը՝ 450 հազար դրամ։
Վարույթը նախաձեռնվել էր ՀՀ կուսակցությունների մասին օրենքը խախտելու հիմքով։ Կուսակցության 2024 թվականի ֆինանսական միջոցների աղբյուրների, ծախսերի, գույքի մասին տարեկան հաշվետվությունը չի ներկայացվել ԿԿՀ։
Վարույթի ընթացքում պարզվել է, որ Սամվել Շահինյանը դեռ 2003 թվականից է հանդիսանում կուսակցության գործադիր մարմնի ղեկավարն` ի պաշտոնե տարեկան հաշվետվություն ներկայացնող անձ։ Սակայն, մինչ վարույթի քննության օրը՝ չնայած տարբեր իրազեկումներին, Սամվել Շահինյանը հաշվետվություններ չի ներկայացրել։
Պատրաստեց Նելլի ԳՐԻԳՈՐՅԱՆԸ
