Փաշինյանի համար եթե փակված է, մեզ համար փակված չէ Արցախ վերադարձի թեման: Այսօր Մայր Աթոռում պատարագի ավարտից հետո լրագրողներին ասաց Արցախի Հանրապետության Անվտանգության խորհրդի նախկին քարտուղար, Արցախի հերոս Վիտալի Բալասանյանը:
«Գոյություն ունի նոյեմբերի 9-ի եռակողմ հայտարարություն… փաստաթուղթն ուժի մեջ է, պետք է բոլորը ուշադիր կարդան, դա վերաբերում է հատկապես նրանց, որոնք նման հայտարարություններ են անում: Կապ չունի՝ արցախցիներն այնտե՞ղ են, թե՞ այնտեղ չեն, դա հետագայի հարցեր են: Նոյեմբերի 9-ի հայտարարությունը ուժի մեջ է, մոտ ժամանակներս կտեսնենք: Ինչ վերաբերում է իմ վերադարձին՝ որեւէ մեկը իրավունք չունի իմ տեղը ցույց տալ՝ որտեղ պետք է ապրեմ, բոլորին է վերաբերում… Արցախում պետք է ապրեն հայեր, որ ՀՀ անվտանգությունը ցմահ լինի պաշտպանված»:
Ինչ վերաբերում է Արցախի թեմի առաջնորդ Վրթանես սրբազանի՝ իշխանական օրակարգին միանալու ու Վեհափառ հայրապետի հրաժարականը պահանջելուն, Բալասանյանը չցանկացավ մեկնաբանել, ասաց՝ վերեւ Աստված կա:
Կարդացեք նաև
Արփինե ՍԻՄՈՆՅԱՆ
