Մահացել է ֆրանսիացի լեգենդար դերասանուհի և կենդանիների իրավունքների պաշտպան Բրիժիտ Բարդոն։ Նա նկարահանվել է ավելի քան 50 ֆիլմերում, կարողացել է դառնալ իր դարաշրջանի սեքս-խորհրդանիշ, պարտադրել է ոճի և նորաձևության կանոններ, իսկ հետո վերածվել է ակտիվիստի։
2025 թվականին դերասանուհին մի քանի անգամ առողջական խնդիրներ է ունեցել։ Բարդոյին դժվար էր շնչել, ինչի պատճառով նույնիսկ ստիպված է եղել վիրահատություն անցնել։ Նա 91 տարեկան էր:
2025 թվականի դեկտեմբերի 28-ին France Press գործակալությունը հայտարարեց արտիստուհու մահվան մասին։
«Բրիժիտ Բարդոյի հիմնադրամը անսահման տխրությամբ հայտարարում է իր հիմնադիր և նախագահ, տիկին Բրիժիտ Բարդոյի՝ համաշխարհային հռչակ ունեցող դերասանուհու և երգչուհու մահվան մասին, ով որոշեց լքել իր կարիերան՝ իր կյանքն ու էներգիան նվիրելու կենդանիների բարեկեցությանը և իր հիմնադրամին», – ասված է հայտարարության մեջ՝ առանց մահվան ժամանակը կամ վայրը նշելու։
Երկար ժամանակ գրավչության խորհրդանիշ հանդիսացող Բարդոյի իմիջը ձևավորվել էր կուլտային ֆիլմերի շնորհիվ, ինչպիսին է 1956 թվականի «…Եվ Աստված ստեղծեց կնոջը» ֆիլմը։
