Արցախի հանրապետության Տարածքային կառավարման և ենթակառուցվածքների նախկին նախարար Հայկ Խանումյանի ֆեյսբուքյան գրառումը
Երբ Նիկոլ Փաշինյանը հայտարարում է, թե «Ղարաբաղյան հարցը թոկ էր Հայաստանի վզին» և որ Արցախը կորցնելով «գտել ենք Հայաստանը», նա ոչ թե խաղաղության մասին է խոսում, այլ նսեմացնում է Ղարաբաղյան շարժումը, ժողովուրդների ինքնորոշման իրավունքը և փորձում արդարանալ 2020-ի պատերազմի կառավարման տապալման համար։
Ղարաբաղյան շարժումը մարդու իրավունքների և ինքնորոշման պայքար էր, իսկ Արցախի Հանրապետությունը՝ այդ իրավունքի իրացման արդյունք։ 2020-ի պարտությունը, Արցախի բռնազավթումն ու հայաթափումը մեր պատմության ամենաողբերգական էջերից են։
Խաղաղության կարելի է գնալ՝ ընդունելով ցավոտ իրականությունը, բայց առանց սեփական պայքարը վարկաբեկելու։ Խաղաղության լավագույն հիմքը ազնվությունն ու արժանապատվությունն են, ոչ թե պատմության ժխտումը։ Նիկոլի հռետորաբանությամբ ոչ թե խաղաղության ենք գնում, այլ Հայաստանը բացում ենք որոշ հարևանների ագրեսիվ նպատակների համար։
