Միջազգային լրատվականների փոխանցմամբ՝ ԱՄՆ գլխավոր դատախազ Պամելա Բոնդին հայտնել է, որ Վենեսուելայի նախագահ Նիկոլաս Մադուրոյին եւ նրա կնոջը՝ Սիլիա Ֆլորեսին մեղադրանք է առաջադրվել Նյու Յորքի հարավային շրջանում։ Մադուրոյին մեղադրանք է առաջադրվել ԱՄՆ-ի դեմ նարկոահաբեկչական դավադրության, կոկաինի ներմուծման, գնդացիրների եւ պայթուցիկ սարքեր ապօրինաբար պահելու համար: Շուտով նրանք կբախվեն ամերիկյան արդարադատության ամբողջ ծանրությանը ամերիկյան հողում, հավելել է Բոնդին:
Հիշեցնենք, որ կեսգիշերն անց ԱՄՆ-ն հարվածներ է հասցրել Վենեսուելային: Կարակասը ցնցած մի քանի պայթյուններից որոշ ժամանակ անց ԱՄՆ նախագահ Դոնալդ Թրամփը հայտնել է, որ Վենեսուելայի նախագահ Նիկոլաս Մադուրոն ու նրա կինը «գերեվարվել են ու ինքնաթիռով դուրս բերվել երկրից»:
Թրամփը նշել է, որ դա տեղի է ունեցել Վենեսուելային հասցված լայնածավալ հարվածի արդյունքում:
Հայտնի է նաեւ, որ Վենեսուելայում արտակարգ դրություն է հայտարարված։
Կարդացեք նաև
Միեւնույն ժամանակ Վենեսուելան դիմել է ՄԱԿ-ի Անվտանգության խորհրդին, իսկ պաշտպանության նախարարը հայտարարել է, թե «չի հանձնվի և չի բանակցի»:
