«Թմրանյութերի ապօրինի շրջանառությունը պետք է դադարեցվի, և գողացված նավթը պետք է վերադարձվի Միացյալ Նահանգներ։ Մադուրոն հասկացավ, որ նախագահ Թրամփը լուրջ է վերաբերվում իր ասածներին:
Կեցցեն մեր քաջարի հատուկջոկատայինները, որոնք իրականացրին իսկապես տպավորիչ գործողություն», – X-ում գրել է ԱՄՆ-ի փոխնախագահ Ջեյմս Դեյվիդ Վենսը։
Ամերիկյան լրատվամիջոցները նշում են, թե Վենեսուելայում «ամերիկյան բանակի այս ցնցող, կայծակնային արագությամբ իրականացված գործողությունը, որի ընթացքում իշխանությունից հեռացվեց գործող պետության ղեկավարը, հիշեցնում է 1990 թ. ԱՄՆ-ի ներխուժումը Պանամա, որը հանգեցրեց Մանուել Անտոնիո Նորիեգայի հանձնմանը և ձերբակալությանը՝ ճիշտ 36 տարի առաջ՝ նույն օրը»։
ԱՄՆ նախագահ Դոնալդ Թրամփն էլ, որը «Fox news»-ի հետ զրույցում Վենեսուելայում գործողությունն «աներևակայելի» է որակել, նշելով, թե «Երկիր մոլորակի վրա չկա որևէ երկիր, որը կարող է նման մանևր անել». «The truth» սոցիալական ցանցում հրապարակել է Վենեսուելայի նախագահ Մադուրոյի լուսանկարը, գրելով՝ «Նիկոլաս Մադուրոն` ամերիկյան Iwo Jima նավի վրա»։
Կարդացեք նաև
Հիշեցնենք, ԱՄՆ-ն հարվածներ է հասցրել Վենեսուելային: ԱՄՆ նախագահ Դոնալդ Թրամփը հայտնել է, որ Վենեսուելայի նախագահ Նիկոլաս Մադուրոն ու նրա կինը «գերեվարվել են ու օդային ճանապարհով դուրս բերվել երկրից»:
Թրամփն իրեն աշխարհի թագավոր է երևակայում և բացահայտ զավթողական գործողություններ է կատարում այլ պետության նկատմամբ ու այդքանից հետո ծիծաղելի կլինի եթե նա խոսի ամերիկյան ժողովրդավարությունից։