«Մեր ձևով» շարժման անդամ, արցախցի Արեգա Հովսեփյանի ֆեյսբուքյան գրառումը
Ընդդիմությանը հաճախ և ոչ առանց հիմքի մեղադրում էին/են օրակարգեր չունենալու մեջ։
Այսօր մի բան հստակ է` այս իշխանությունները լիովին սպառել են իրենց և իրենց ՄԻԱԿ օրակարգը հակաեկեղեցական, հակաքրիստոնեական արշավն է։ ՎԵՐՋ։ Ուրիշ ոչ մի թեմա, այլև իրենց կողմից դաշտ նետված օրակարգային չի դառնում։
Եվ սա օրինաչափ է։
Կարդացեք նաև
Դու չես կարող անընդհատ ու անընդմեջ մաշես, հույզերի և զգացմունքների վրա խաղաս, մոլորեցնես կիսաճշմարտություններով, մանիպուլյացիաների ենթարկեցնես ժողովրդին։ Մի փուլում այդ ամենը պարզապես դադարում է աշխատել։ Ու քեզ մնում է հատել անհատելին, խախտել անխախտելին, ամենաստորին հատակից էլ անդին գնալ` իմանալով, որ հետադարձի ճանապարհ արդեն իսկ չկա։
Սուրբ Ծննդին ընդառաջ, տիրադավներն իշխանության ղեկավարի գլխավորությամբ կրկին հատեցին բարոյականության և քրիստոնեության արժեքները։ Անսպասելի՞ էր։ Ոչ։ Կհաջողե՞ն։ Երիցս ոչ։
Հ.Գ. սրտի մեծ ցավով եմ նայում Վրթանես եպիսկոպոսի վարքին։ Ցասում, վրդովմունք, ամոթ։ Ամենը խառնվում է իրար։ Ինչքան ասում էի` չանդրադառնամ, չի ստացվում։
ՄԵՐ ՆԵՐՍԻ ՀԱՎԱՏՔԸ , ՀՈՒՅՍԸ, ՍԵՐԸ ՎԱՌ ՊԱՀԵՆՔ։ ԴԱ Է ՄԵԶ ՓՐԿԵԼՈՒ ԱՅՍ ՄՈՒԹ ՕՐԵՐԻՆ։
Նկարը՝ Ալեն Ղուլյանի էջից։
