Ակնհայտ է, որ Հայաստան-Թուրքիա սահմանին կամուրջներ պետք է կառուցվեն․ «Հայաստանը եւ խաղաղությունը․ ռիսկեր եւ հնարավորություններ» թեմայով համաժողովում հայտարարեց Նիկոլ Փաշինյանը՝ խոսելով TRIPP ծրագրի մանրամասների մասին։
«Առնվազն Մարգարայում կամուրջ պետք է կառուցվի, Ախուրիկում ակնհայտ է, որ մաքսային եւ սահմանային տերմինալներ պետք է կառուցվեն, Երասխում մաքսային եւ սահմանային տերմինալներ պետք է կառուցվեն։ Ես կանխատեսում եմ ու հավանականությունը մեծ է, որ նաեւ Իջեւան-Ղազախ հատվածում կարող ենք ունենալ որոշակի զարգացումներ։ Հարավային հատվածում էլ ունենք զարգացումներ»,- մանրամասնեց նա։
Ըստ Նիկոլ Փաշինյանի, Հայաստան–Թուրքիա սահմանին կլինի էլեկտրահաղորդման գծերի վերազինում, քանի որ դեռ խորհրդային ժամանակներից են ինչ-որ բաներ մնացել․ «Այս մասով մասնավոր հատվածից ազդակներ մենք արդեն ստանում ենք․ Հայաստան–Թուրքիա սահմանին էլեկտրահաղորդման գծերի անցկացման հետ կապված որոշ քայլեր ուզում են անել։ Բանակցային այն սենյակում, որտեղ ես խոսում եմ նախագահ Էրդողանի հետ, այդ հարցերը լուծված են տեսանելի ապագայի համար»։
Ժամանակի ընթացքում, ըստ Նիկոլ Փաշինյանի, ավելի հստակ կլինի՝ որտե՞ղ ենք աշխատում TRIPP նախագծով, որտեղ՝ այլ գործընկերների հետ։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
