ԵՄ կողմից ֆինանսավորվող «Հագուստի և ագրոբիզնեսի կայուն արժեշղթաների կառուցում Հայաստանում» նախագիծը, որն իրականացվում է Միջազգային առևտրի կենտրոնի (ITC) կողմից, հունվարի 13-14-ն աջակցել է ՀՀ-ից ԵՄ ձկների և ձկնատեսակների արտահանման ուղեցույցի վավերացման գործընթացին։
Հունվարի 13-ին պետական մարմինների մասնակցությամբ կազմակերպվել է վավերացման գործընթացին առնչվող աշխատաժողով, որի ընթացքում քննարկվել են ընթացակարգային հարցերը, կարգավորող և իրավասու մարմինների կողմից ԵՄ պահանջների կիրառումը։
🔹Հունվարի 14-ին անցկացվել է առանձին հանդիպում գործարար հատվածի ներկայացուցիչների հետ՝ ներառյալ ձկնաբուծարաններն ու վերամշակող ընկերությունները, որի նպատակն էր վավերացնել ԵՄ սննդի անվտանգության, անասնաբուժական և արտահանման ընթացակարգերին համապատասխանության գործնական ուղեցույցը։
Ուղեցույցը նպատակ ունի՝
✔️ աջակցել պետական մարմիններին ԵՄ-ին համահունչ, ռիսկահեն վերահսկողության մեխանիզմների կիրառման հարցում,
✔️ օգնել հայկական ընկերություններին կողմնորոշվել ԵՄ պահանջների հարցում և պատրաստվել ԵՄ շուկա արտահանմանը։
Կարդացեք նաև
Այս նախաձեռնությունը կարևոր քայլ է ԵՄ–Հայաստան գործընկերության ամրապնդման ուղղությամբ՝ ԵՄ-Հայաստան Գործընկերության նոր օրակարգի շրջանակում արտացոլելով Եվրոպական միության շարունակական հանձնառությունը՝ նպաստելու Հայաստանի տնտեսական զարգացմանը, առևտրի դիվերսիֆիկացմանը և ԵՄ շուկաներում ինտեգրմանը։
ՀՀ-ում ԵՄ մշտական ներկայացուցչություն
