-Ուզո՞ւմ եք Նիկոլ Փաշինյանի համար մի հատ սիրուն ոտանավոր ասեմ,- այսօր Վերաքննիչ քրեական դատարանի շենքի բակում լրագրողներին հարցրեց Մասիսի քաղաքապետ Դավիթ Համբարձումյանի աջակիցներից՝ արցախյան 3 պատերազմների մասնակից Անդրանիկ Տոնոյանը:
-Ես թուրքերին մանկուց չեմ հարգել՝ հասկանալով, որ ինչպես Անդրանիկ Զորավարն էր ասում, եթե թուրքը երկնքից իջած էլ լինի, չեմ հավատում: Ի՞նչ խաղաղություն: Նիկոլ Փաշինյանը Ստալինից հզո՞ր է, էդ ի՞նչ ես խաբում, կարող ես խաբել թուրքացած հայերին: Թուրքը մնում է թուրք,- ասաց Տոնոյանը:
Անդրադառնալով խաղաղության օրակարգին՝ Տոնոյանն ասաց. «Նիկոլը կուտ է տալիս: Հեսա ամեն ամիս մի երկու հոգի գերի կտան, որ Նիկոլը վերընտրվի, Հայաստանը լիարժեք Ղարաբաղի նման դառնա Արեւմտյան Ադրբեջան: Նիկոլ Փաշինյան, հոպարիդ տղեն՝ Ալիեւը ասում է Արեւմտյան Ադրբեջան՝ մայրաքաղաքը Իրեւան, ձեն հանե՞լ ես: Ես քեզ հրավիրում եմ հեռուստաբանավեճի… Արցախը հետ ենք բերելու, Արեւմտյան Հայաստանն էլ հետը, այ թուրքի գործակալ»:
Կարդացեք նաև
Հիշեցնենք, որ Վերաքննիչ քրեական դատարանն այսօր դատավոր Հարություն Պետրոսյանի նախագահությամբ, կազմով դատավորներ Մակար Կիրակոսյանի, Սևակ Համբարձումյանի որոշեց Մասիսի քաղաքապետ Դավիթ Համբարձումյանի խափանման միջոց կալանքը փոխարինել տնային կալանքով եւ գրավով:
Հիշեցնենք, որ Դավիթ Համբարձումյանը մեղավոր էր ճանաչվել Երևանի ընդհանուր իրավասության քրեական դատարանի կողմից եւ դատապարտվել ազատազրկման՝ 6 տարի 3 ամիս ժամկետով։ Համբարձումյանը մեղադրվում է իշխանափոխության օրերին դեպի Երևանի Հանրապետության Հրապարակ գնացող քաղաքացիներին զենքով բռնություն գործադրելու համար:
Ըստ իրավապահների՝ 2018-ի ապրիլի 22-ին ժամը 16-17-ի սահմաններում Հայանիստ-Հովտաշատ խաչմերուկի բանուկ հատվածում տեղի է ունեցել միջադեպ, որին մասնակցել են Մասիսի քաղաքապետն ու նրա եղբայրը։
Արփինե ՍԻՄՈՆՅԱՆ
