Հունվարի 21-ին Վաղարշապատի համայնքապետարանում կայացավ Արցախի hոգեբանների միության և «Կատարսիս» հոգեբանական կենտրոնի հերթական մարզային այցը, որն իրականացվեց «Հայաստան–Արցախ» ՀԵՄ-ի հետ սերտ և արդյունավետ համագործակցության շնորհիվ։
Այցի շրջանակում Էջմիածնի համայնքապետարանի մեծ դահլիճում անցկացվեց հոգեբանական հանդիպում՝ «Հետպատերազմյան սինդրոմներ․ ճանաչում և հաղթահարում» թեմայով։
Հանդիպմանը մասնակցեցին մի քանի տասնյակ մարդիկ, ովքեր անցել են վերջին պատերազմների ծանր փորձությունների միջով և սեփական փորձով են զգացել պատերազմի կործանարար ազդեցությունը մարդկային հոգեբանության վրա։
Քննարկվեցին հետպատերազմյան հոգեբանական սինդրոմների հիմնական դրսևորումները, դրանց ժամանակին ճանաչման կարևորությունը, ինչպես նաև հաղթահարման արդյունավետ մեխանիզմներն ու հոգեբանական աջակցության գործնական մոտեցումները։
Հոգեկան առողջությունը համայնքի կայուն զարգացման կարևորագույն հիմնասյուներից է, և նման հանդիպումները նպաստում են հասարակության դիմակայունության ու վերականգնման գործընթացին։
Կարդացեք նաև
Վաղարշապատի համայնքապետարան
