«Հացադուլ հայտարարած ու այսօր այն դադարեցրած Նարեկ Սամսոնյանին հետ տարան բանտ», – հայտնում է «Իրավական ուղի» ՀԿ նախագահ Ռուբեն Մելիքյանը:
«Բժշկական կենտրոնում արյան հետազոտություն վերցրին և հետ տարան: Մեզ տված պարզաբանմամբ՝ հետազոտության արդյունքները ներկայացնելուց հետո վաղը դիտարկվելու է նորից բուժկենտրոն վերադարձնելու հարցը: Մենք ունենք այն ակնկալիքը, որ վաղը արդեն նրան կբերեն Իզմիրլյան ԲԿ այն ցուցումով, որ նա այդտեղ կանցնի որոշակի վերականգնողական թերապիա, որին կհետևի հետազոտություններ, որին էլ կհաջորդի վիրահատությունը,- հայտնեց նա:-Մենք չունենք համապատասխան պայմաններ մեր քրեակատարողական հիմնարկներում, այսօր Նարեկ Սամսոնյանի տեսքը նախորդ տեսակցության համեմատ ավելի վատ էր ու հյուծված, բայց կարող եմ ասել, որ բժշկական միջամտությունը ուշացած չէր, ու կարծում եմ, որ իր արդյունքը կտա»:
