ՔՊ-ական պատգամավոր Հռիփսիմե Հունանյանը հերքում է, թե ՔՊ վարչության ճնշման ներքո է կայացրել առողջապահության հարցերի մշտական հանձնաժողովի նախագահի պաշտոնից հրաժարական ներկայացնելու որոշումը։
Այսօր լրագրողները Հռիփսիմե Հունանյանին հարց ուղղեցին այն մասին, որ մամուլի հրապարակումների համաձայն՝ իր ելույթներում հնչեցրած մտքերի պատճառով կանչվել է ՔՊ վարչություն, որտեղ իր նկատմամբ ճնշումներ են գործադրվել, ինչից հետո հրաժարական է ներկայացրել։ «Սուտ են գրել, ինչպես միշտ, որոշումը ինքս եմ կայացրել»,- ասաց Հռիփսիմե Հունանյանը։
Օրերս Հունանյանը ֆեյսբուքյան գրառմամբ տեղեկացրել էր, որ որոշել է հրաժարականի դիմում ներկայացնել ԱԺ առողջապահության հարցերի մշտական հանձնաժողովի նախագահի պաշտոնից: Միաժամանակ, որոշել է ինքնաբացարկ հայտնել առաջիկա խորհրդարանական ընտրություններում «Քաղաքացիական պայմանագիր» կուսակցության համամասնական ցուցակում ընդգրկվելուց:
Այսօր նա լրագրողներին ասաց, ո իր ֆեյսբուքյան գրառմանը հավելելու բան չունի։
Կարդացեք նաև
Ռոզա ՀՈՎՀԱՆՆԻՍՅԱՆ
