Լեհաստանում ՀՀ դեսպանության և հայ-լեհական բարեկամական խորհրդարանական խմբի ղեկավար Լուցիան Մարեկ Պիետշչիկի համատեղ նախաձեռնությամբ Լեհաստանի Սեյմում ԼՀ-ում ՀՀ դեսպան Ալեքսանդր Արզումանյանի, ԼՀ ԱԳ նախարարության պետքարտուղար Մարչին Բոսացկիի և բարեկամական խմբի մյուս անդամների մասնակցությամբ կայացել է «ՀՀ-ԵՄ զարգացող հարաբերությունները Լեհաստանի տեսանկյունից» խորագրով քննարկում:
📌Քննարկման նպատակն էր ուղենշելու Լեհաստանի դերը ՀՀ-ԵՄ հարաբերությունների զարգացող դինամիկայի համատեքստում:
🔹Ալեքսանդր Արզումանյանը, պատասխանելով լեհ խորհրդականների հարցերին, հանգամանալից ներկայացրել է ՀՀ-ԵՄ գործընկերության ռազմավարական օրակարգը, ԹՐԻՓՓ նախագծի` Հայաստան-ԱՄՆ իրականացման շրջանակը և Հայաստանի՝ տարածաշրջանում կայուն խաղաղության հաստատման տեսլականը:
🔻Պետքարտուղար Մարչին Բոսացկին ընդգծել է Հայաստանի և Լեհաստանի բազմոլորտ ակտիվ համագործակցության զարգացման էական ներուժն ու հեռանկարային լինելը երկկողմ և բազմակողմ ձևաչափերում։
Կարդացեք նաև
▫️Բարեկամական խմբի ղեկավար Լուցիան Պիետշչիկը նշել է միջխորհրդարանական կապերի կարևորությունը հայ-լեհական խորացված գործընկերության առաջմղման, ԵՄ շրջանակներում համագործակցության ընդլայնման հարցում։
Լեհաստանում ՀՀ դեսպանություն
