Մարտի 3-ին ՀՀ դեսպան Անդրանիկ Հովհաննիսյանը Խաղաղության միջազգային ինստիտուտում քննարկում ունեցավ Վիեննայում գործունեություն ծավալող փորձագետների, վերլուծաբանների և լրագրողների հետ՝ նրանց ներկայացնելով Հայաստանի արտաքին քաղաքականության առաջնահերթությունները։
Դեսպան Հովհաննիսյանը, մասնավորապես, անդրադարձավ աշխարհաքաղաքական զարգացումներին և տարածաշրջանային իրավիճակին, դրանց վերաբերյալ Հայաստանի դիրքորոշումներին և մոտեցումներին։
Նա մանրամասն ներկայացրեց ՀՀ կառավարության ջանքերը մեր տարածաշրջանում կայուն խաղաղության ամրապնդման օրակարգի առաջմղման գործում։
Անդրադառնալով ենթակառուցվածքների ապաշրջափակմանը՝ նա ընդգծեց «TRIPP» և «Խաղաղության Խաչմերուկ» ծրագրերի նշանակությունը՝ տարածաշրջանային հաղորդակցության, տնտեսական համագործակցության խթանման և երկարաժամկետ կայունության ապահովման գործում։
Կարդացեք նաև
Քննարկումը շարունակվեց հարցուպատասխանի ձևաչափով։
Ավստրիայում և Սլովակիայում ՀՀ դեսպանություն, ԵԱՀԿ-ում, ՄԱԿ-ում ՀՀ մշտական ներկայացուցչություն


















































