1lurer.am-ը հայտնում է, որ Գորիսում, ըստ նախնական տեղեկությունների, նռնակի պայթյունի հետևանքով կա 2 զոհ, 1 վիրավոր: Ավելի վաղ News.am-ին Գորիսի փոխքաղաքապետ Արտյոմ Աղաջանյանը հայտնել էր, որ Առուշ Առուշանյանի վարորդն է սպանվել։ Մեր տեղեկություններով՝ Առուշ Առուշանյանն այս դեպքի հետ որևէ առնչություն չունի, պարզապես նրա վարորդի ու վերջինիս բարեկամի միջև վեճ է բռնկվել հողի հետ կապված խնդրի շուրջ, ինչն էլ նման ողբերգական ավարտ է ունեցել։
