Ռուսաստանը կորցրել է Հայաստանի և Ադրբեջանի միջև հակամարտության կարգավորողի իր դիրքը։ Դրա մասին ասված է Ֆինլանդիայի ռազմական հետախուզության 2026 թվականի ակնարկում։
«Ռուսաստանը դեռևս կարևոր խաղացող է Հարավային Կովկասում, թեև նրա ազդեցությունը նվազել է։ Մոսկվան կորցրել է Հայաստանի և Ադրբեջանի միջև հակամարտության կարգավորողի իր դիրքը, և երկու երկրների հարաբերությունները Ռուսաստանի հետ թուլացել են»,– նշված է ակնարկում։
Մյուս կողմից, ըստ Ֆինլանդիայի ռազմական հետախուզության, Վրաստանը քաղաքական առումով ավելի է մոտեցել Ռուսաստանին։
«Ռուսաստանի գլխավոր նպատակը՝ մեծացնել իր գլոբալ ազդեցությունը, մնացել է անփոփոխ։ Նրա ռեժիմը Արևմուտքը դիտարկում է որպես սպառնալիք և ձգտում է թուլացնել այն՝ օգտագործելով Ուկրաինայում պատերազմը, այլ հակամարտությունները և թշնամական հիբրիդային ազդեցությունը՝ որպես գործիքներ։ Ռուսաստանի ուշադրությունը կենտրոնացած է եղել նախկին Խորհրդային Միության տարածքի և, մասնավորապես, Ուկրաինայի պատերազմի վրա, որը նա վարում է իր մյուս նպատակներին հասնելու գնով»,– նշված է գերատեսչության ակնարկում։
Կարդացեք նաև
Թարգմանությունը՝ news.am-ի
