«Ավտոբուսների մեջ կոպեկների համար սարք էին տեղադրել՝ լավ գիտակցելով, որ այդ սարքը 4 ամիս հետո պետք չի գալու: Այդ սարքի գինը շուկայում առավելագույնը 38.000 դրամ է, բայց այն մարդը, որ վաճառել է Երեւանի քաղաքապետարանին, վաճառել է 135.000 դրամով: Այդ մարդը Արայիկ Հարությունյանի տեղակալի՝ Զառայի ամուսինն է՝ Ռուբոն: Հրապարակային ասել եմ՝ ԱԱԾ, դատախազությո՛ւն, որտե՞ղ եք… Երեւան քաղաքը շուրջ չորս տարի գլխավոր հատակագիծ չի ունեցել: Գլինկայի փողոցի վրա գլխավոր հատակագծով նախատեսված է, որ ճանապարհ պետք է լինի, դրեցին շենք սարքեցին: Իրենց մոտիկն էր էլի… Դրա փոխարեն մի հատ թթու խոսք ՔՊ-ականի, Նիկոլ Փաշինյանի հասցեին ասես, հաջորդ օրը դատախազությունը, ԱԱԾ-ն դուռդ կթակի», -այսօր AntiCor հակակոռուպցիոն հարթակի կազմակերպած աշխատաժողովի ժամանակ մի շարք նմանատիպ դեպքեր թվարկեց Երեւանի «Մայր Հայաստան» խմբակցության ավագանու անդամ Մեսրոպ Մանուկյանը ու հարց առաջ քաշեց,- «Հիմա սա համակարգային կոռուպցիա՞ է, թե՞ չէ: Որ տենդերի հետեւը քանդում ես, իրանցից մեկը դուրս է գալիս: Ֆիրդուսի 33-րդ թաղամասը, ի սկզբանե նախատեսված է եղել 5 հարկանի շենք, գնում, նայում ես՝ բոլորը մեծ շենքեր են կառուցած… ՔՊ-ականի համար ձրի է խախտումը, անուշ ախպերներինը շինարարության ընթացքում՝ 500 դոլար, անծանոթինը՝ 3000 դոլար: Հիմա սա համակարգային կոռուպցիա՞ է, թե՞ չէ: Երեւան քաղաքի բյուջեն 400 միլիոն դոլար է: Այսօր մեկնումեկս տեսնո՞ւմ է դա որտեղ են ծախսում»:
Միջոցառման տեսանյութն ամբողջությամբ՝ ստորեւ.
Կարդացեք նաև
Արփինե ՍԻՄՈՆՅԱՆ
