«Հայ որբերի օգնության ընկերություն» կազմակերպության Բուենոս Այրեսի մասնաճյուղի նախագահ Լուչիանա Մինասյանը ֆեյսբուքյան գրառմամբ նշում է.
«Այսօր «Հայ որբերի օգնության միություն»-ի (SOAR) Բուենոս Այրեսի մասնաճյուղը, ութ դատապարտված քաղաքացիական անձանց ընտանիքների հետ միասին, պաշտոնապես ներկայացրել է Իրավական դիմում ԱՄՆ-ի, Ռուսաստանի Դաշնության և Ուկրաինայի նախագահներին, ինչպես նաև միջազգային առաջատար իրավապաշտպան կազմակերպություններին։ Դիմումը բարձրաձայնում է արդար դատաքննության լուրջ խախտումների, անհատականացված ապացույցների բացակայության և ութ հասարակ մարդկանց նկատմամբ ցմահ ազատազրկման դատավճիռների ծանր հումանիտար հետևանքների մասին, որոնց թվում է նաև Հայաստանի քաղաքացի Արթուր Տերչանյանը։
Մենք կանգնած ենք այս ընտանիքների կողքին՝ նրանց պայքարում հանուն արդարության, թափանցիկության և մարդկայնության, և վերահաստատում ենք մեր հանձնառությունը՝ ապահովելու, որ նրանց ձայնը լսելի լինի միջազգային իրավական, դիվանագիտական և հումանիտար հարթակներում։
Մարդու արժանապատվությունը, արդար դատաքննության իրավունքը և քաղաքացիական անձանց պաշտպանությունը երբեք չպետք է զոհաբերվեն քաղաքական նպատակահարմարությանը»։
Կարդացեք նաև
Հիշեցնենք՝ Արթուր Տերչանյանը ցմահ ազատազրկման է դատապարտվել Ղրիմի կամրջի վրա տեղի ունեցած պայթյունի գործով:
