«Հայացքն Արցախին» հաղորդման հյուրն Արցախի վաստակավոր արտիստ Տաթևիկ Բալայանն է։ Ծնվել է Ստեփանակերտում։ 26 տարի «Ղարաբաղ» պետական էստրադային համույթում է երգել ու Արցախից դուրս իր ապագան երբևէ չի պատկերացրել։ Բռնի տեղահանությունից հետո նրա կյանքում ամեն ինչ փոխվեց` մտածում էր այլևս չերգել ու զբաղվել մեկ այլ գործով։
Որոշ ժամանակ անց հասկացավ, որ երգն իր կյանքի մի մասն է, առանց դրա մի բան կիսատ է։ Ու հենց այդ գիտակցությունից էլ որոշեց, այնուամենայնիվ, շարունակել ի սկզբանե ընտրած ուղին, որը հիմա նրան ուժ է տալիս, նաև՝ հավատ, որ մի օր անպայման վերադառնալու ենք։
