Ինչպես հայտնել ենք՝ Իրանի արտաքին գործերի նախարար Աբբաս Արաղչին Թուրքիայում է, որտեղ հանդիպել է Հաքան Ֆիդանի հետ:
«Իրանի արտգործնախարարը նշել է.
🔴 «Եթե Իսլամական հեղափոխության պահապանների կորպուսը (ԻՀՊԿ) չլիներ, նրանք [Եվրոպան] չէին կարողանա պայքարել Իսլամական պետության և այլ ահաբեկչական խմբավորումների դեմ, և այսօր նրանք կպայքարեին դրա դեմ Եվրոպայի փողոցներում։
🔴 Եվրոպացիները չեն գնահատում այն, ինչ արվել է նրանց համար. Հեղափոխության պահապանները փրկեցին աշխարհը խոշոր ահաբեկչական կազմակերպությունից։ Եվրամիությունը լուրջ սխալ է թույլ տվել, և կարծում եմ, որ շուտով նրանք կհասկանան այդ սխալը։
Կարդացեք նաև
🔴 Ես հստակ կասեմ. Իրանի հրթիռները և Իրանի պաշտպանական համակարգը երբեք որևէ բանակցությունների առարկա չեն կարող լինել»։
Թուրքիայի արտգործնախարար Հաքան Ֆիդանը նշել է.
🔴 «Ինչպես մենք չենք ուզում թուրքական էքսպանսիոնիզմ, արաբական էքսպանսիոնիզմ կամ պարսկական էքսպանսիոնիզմ, այնպես էլ մենք, անշուշտ, չենք ուզում իսրայելական էքսպանսիոնիզմ։
🔴 Իսրայելի հարձակումները տարածաշրջանում՝ մասնավորապես Պաղեստինի, Լիբանանի, Իրանի դեմ, ինչպես նաև Սիրիայի օկուպացիան և Կատարի վրա հարձակումը՝ տարածաշրջանում նրա էքսպանսիոնիստական նկրտումների հստակ ապացույցն են։
🔴 Եթե հակամարտությունները շարունակվեն, դրանք հող են ստեղծում բոլոր տեսակի խնդիրների համար։ Դրանք հող են հարթում ահաբեկչության, զանգվածային միգրացիայի, աղքատության համար», – հայտնում է «Թուրքիան այսօր լրատվական ալիքը։
Հիշեցնենք՝ ԵՄ արտգործնախարար Կայա Կալլասը հայտարարել էր, որ դաշինքը նախատեսում է ահաբեկչական կազմակերպությունների ցանկում ներառել Իրանի Իսլամական հեղափոխության պահապանների կորպուսը (ԻՀՊԿ), որը, ըստ լրատվամիջոցների, մեծապես ներգրավված է եղել ցուցարարների նկատմամբ բռնի ուժի կիրառմանը: Կայա Կալլասն ասել է, որ նախատեսում են նաև նոր պատժամիջոցներ կիրառել:
«Սա նրանց կդնի նույն մակարդակի վրա, ինչ «Ալ Քաիդա»-ն, «Համաս»-ը, «Դաեշ»-ը։ Եթե դու գործում ես որպես ահաբեկիչ, ապա քեզ նաև պետք է որպես ահաբեկչի վերաբերվեն», – նշել է նա։
