– Եթե խոսում եք Հայ Առաքելական եկեղեցու իրավունքները ոտնահարելու պայմաններում ընտրություններ անցկացնելու մասին, դա աբսուրդ է։ Հայ Առաքելական եկեղեցու նկատմամբ բռնությունները Սահմանադրական իրավունքի տեսակետից սարսափելի են։ Ինչ ընտրությունների մասին կարող եք խոսել, եթե ունեք քաղբանտարկյալներ,– այսօր կառավարության շենքի դիմաց լրագրողների հետ զրույցում ասաց ԱԻՄ առաջնորդ Պարույր Հայրիկյանը։
Նա նկատեց, որ իշխանությունը դարձել է կոռուպցիոն հանցախումբ և, անդրադառնալով պետական պաշտոնյաների ստացած միլիոնավոր դրամների պարգևավճարներին, ասաց, որ այդ խտրական վերաբերմունքից սոցիալական անարդարություն է ստեղծվում։
«Երբ, մոռանալով աղքատության մեջ ապրող 20 տոկոսին, աթոռների վրա բազմած պորտաբույծներին տալիս եք պարգևավճարներ, ո՞ւմ հաշվին եք տալիս։ Հաջորդ ուրբաթ այստեղ պետք է լինենք ոչ թե 10, այլ հազար հոգի, իսկ փետրվարի 18-ին պետք է լինեն բոլոր նրանք, որոնք իրավախախտումների մասին են խոսում։ Պետք է համախմբվենք՝ Հայաստանում իրավախախտումներին վերջ տալու համար»,- ասաց Հայրիկյանը։
Կարդացեք նաև
Արփինե ՍԻՄՈՆՅԱՆ
