Sputnik Armenia. ԵՄ-ի կողմից Հայաստանի ընտրություններին «ռուսական միջամտությունը» կանխելու համար օգնության կոչերը արվում են սադրիչ մտադրությամբ. Մոսկվայում Ալեն Սիմոնյանի հետ հանդիպման ժամանակ նշել է Սերգեյ Լավրով:
Ռուսաստանի արտաքին գործերի նախարարը, սակայն, հույս ունի, որ Երևանի պատասխանատու քաղաքական գործիչները հասկանում են այս մոտեցումների սադրիչ բնույթը։
«Ռուսաստանը բազմիցս հայտարարել է, որ Հայաստանն ունի սեփական ինքնիշխան ընտրության իրավունք։ Մոսկվան շահագրգռված է, որ Հայաստանը լինի ուժեղ, ինքնաբավ երկիր, որը կարող է ինքնուրույն ընտրել իր արտաքին քաղաքական կողմնորոշումը», – նշել է նա։
