Էստոնիայի մայրաքաղաք Տալլինում անցկացված Քրիստիան Պալուսալուի 37-րդ հուշամրցաշարում, որին մասնակցել են 14 երկրների ներկայացուցիչներ, ազատ և հունահռոմեական ոճերի Հայաստանի հավաքականները մեդալների հարուստ հավաքածու են նվաճել և թիմային պայքարում զբաղեցրել առաջին տեղերը։
Ազատ ոճի մրցումներում հաղթող են դարձել 61 կգ քաշային Մանվել Խնձրցյանը, 65 կգ՝ Արսեն Հարությունյանը, 70 կգ՝ Դավիթ Մարգարյանը, 74 կգ՝ Նարեկ Հարությունյանը, 79 կգ՝ Հրայր Ալիխանյանը, 97 կգ՝ Կնյազ Իբոյանը և 125 կգ՝ Խաչատուր Խաչատրյանը։ Երկրորդ մրցանակակիր են դարձել 61 կգ քաշային Մեջլում Մեջլումյանը, 65 կգ՝ Արման Մուսիկյանը, 79 կգ՝ Հայկ Պապիկյանը, իսկ 86 կգ քաշային կարգում Ռազմիկ Եփրեմյանը արժանացել է երրորդ մրցանակի։
Կարդացեք նաև
Հունահռոմեական ոճում հաղթող են ճանաչվել 60 կգ քաշային Սուրեն Աղաջանյանը, 67 կգ՝ Սլավիկ Գալստյանը, 72 կգ՝ Գասպար Տերտերյանը, 77 կգ՝ Մալխաս Ամոյանը, 82 կգ՝ Սամվել Գրիգորյանը, 97 կգ՝ Հայկ Խլոյանը և 130 կգ՝ Արամայիս Հարությունյանը։
Երկրորդ տեղ են զբաղեցրել 67 կգ քաշային Յուրիկ Հովեյանը, 72 կգ՝ Աշոտ Խաչատրյանը, 97 կգ՝ Ռուբեն Գևորգյանը, իսկ երրորդ տեղում են հայտնվել 63 կգ՝ Արմեն Սուքիասյանը, 77 կգ՝ Սամվել Տերտերյանը, 82 կգ՝ Մարտիկ Պետրոսյանը և 87 կգ՝ Գևորգ Թադևոսյանը։
Աշոտ ՀԱԿՈԲՅԱՆ
