«Մենք ոչ միայն խաղաղություն ենք կերտում Հայաստանի համար, այլ նաեւ բարգավաճում՝ ԱՄՆ հետ միասին։ Այսօր մենք ուզում ենք հայտարարել այնպիսի բաներ, որոնք առանց ձեր առաջատարության, առանց ձեր հանձնառություններ, ինչպես նաեւ առանց մեր երկրի նախագահի առաջատրության հնարավոր չէր լինի անել։ Ես իրոք հավատացած եմ, որ այսօր մի նոր սկիզբ է Հայաստանի եւ ԱՄՆ գործընկերության համար»,- այսօր Երևանում Նիկոլ Փաշինյանի հետ համատեղ հայտարարության ընթացքում ասաց ԱՄՆ փոխնախագահ Ջեյ Դի Վենսը։
«Մենք ոչ միայն խաղաղություն ենք կերտում Հայաստանի համար, այլ նաև բարգավաճում՝ ԱՄՆ-ի հետ միասին։ Այսօր ուզում ենք հայտարարել այնպիսի նախաձեռնությունների մասին, որոնք առանց ձեր առաջատարության, ձեր հանձնառության, ինչպես նաև մեր երկրի նախագահի առաջնորդության հնարավոր չէր լինի իրականացնել։ Ես իսկապես հավատացած եմ, որ այսօր նոր սկիզբ է դրվում Հայաստանի և ԱՄՆ գործընկերությանը»,- նշեց նա։
Այսօր ստորագրվեց Միջուկային էներգիայի խաղաղ նպատակով օգտագործման ոլորտում ՀՀ և ԱՄՆ կառավարության միջև համագործակցության մասին բանակցությունների ավարտի վերաբերյալ հայտարարությունը։ Վենսն ասաց, որ սա մի ճանապարհ կբացի ամերիկյան և հայկական ընկերությունների համար՝ ապագա ծրագրեր իրականացնելու։ «Սկզբում մոտ 5 մլրդ դոլար գումարի մասին ենք խոսում, ներդրումների, երկրորդ փուլում՝ ևս 4 մլրդ։ Սա փոխշահավետ իրավիճակ է և Հայաստանի համար, և երկրի էներգետիկ անվտանգության ու կայունության համար․ ստեղծվելու են շատ աշխատատեղեր և ԱՄՆ-ում, և Հայաստանում։ Սա նշանակում է՝ ամերկյան տեխնոլոգիաները գալու են այս երկիր։ Մեր երկիրը շատ քիչ դեպքերում է այնքան վստահ զգում, որպեսզի կոնկրետ տեխնոլոգիներ արտահանի այլ երկիր։ Եվ էլի ի պատիվ ձեր վարչապետի առաջատարության»,- ասաց նա։
Նա նշեց, որ «ԹՐԻՓՓ» նախագիծը արմատական տրանսֆորմացիա կբերի տարածաշրջանին։ «Բացվելու է նոր աշխարհ միջազգային առևտրի, տարանցման և էներգետիկ հոսքերի համար։ Կապահովվի աննախադեպ կապ Հայաստանի և հարևան երկրների միջև։ Սա հոյակապ է ոչ միայն Հայաստանի ժողովրդի բարգավաճման համար, այլ նաև կնպաստի խաղաղության գործընթացին։ Երբ կապում ես էներգետիկան և տնտեսությունը, դա նպաստում է խաղաղությանը։ Մենք ոչ թե պարզապես ուզում ենք կերտել խաղաղություն, այլ ցանկանում ենք, որ կերտված խաղաղությունը լինի կայուն և երկարատև»,- ընդգծեց նա։
Կարդացեք նաև
Վենսը հավելեց, որ ԹՐԻՓՓ հիմնադրամը ենթադրում է զգալի ծավալի մասնավոր կապիտալի ներհոսք Հայաստան։ Նա նաև նշեց, որ ԱՄՆ-ն պատրաստվում է Հայաստանին վաճառել նոր դրոնային տեխնոլոգիաներ։
«Նախագահ Թրամփը շատ լավ գիտի, որ խաղաղություն ապահովելու լավագույն ձևը աշխարհի լավագույն ռազմական տեխնոլոգիաների տարածումն ու տեղակայումն է։ Մենք հաստատել ենք Հայաստանի համար 11 մլն դոլարի հետախուզական դրոնային տեխնոլոգիաների վաճառք՝ մեր լավ բարեկամ վարչապետի հետ համագործակցությամբ։ Մենք համոզված ենք, որ այն խաղաղությունը, որը պետք է կերտվի, կլինի կայուն։ Սա նշանակում է լրացուցիչ աշխատատեղեր, լրացուցիչ ներդրումներ»,- ասաց նա։
Մանրամասները՝ տեսանյութում
Ջեյ Դի Վենսը հավելեց. «Այն, ինչ այսօր տեղի է ունենում այստեղ, պատմական նշանակություն ունի։ Ես իրոք հպարտ եմ, որ ԱՄՆ առաջին փոխնախագահն եմ, որը երբևէ այցելել է այս երկիր։ Սա աշխարհի հնագույն քրիստոնյա պետություններից և ազգերից մեկն է, և ես գիտեմ, թե ինչ նշանակություն ունի Հայաստանը ամբողջ աշխարհի համար»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
yankee, go home!!
the only thing that your boss knows : is money… and he thinks that it solves everything… for the massive majority of Armenians, in Armenia and around the world – notably in the US -, this country named Armenia is not for sale; even though you may find some of its current officials who are for sale –
go and try to establish some peace within your own country first, before patronizing the rest of the world
btw, I used to be pro-MAGA, but your White House is a joke… a lousy circus… along with your Senate caucus…)
Haytoug Chamlian