Ռուսաստանի փոխարտգործնախարար Միխայիլ Գալուզինը մեկնաբանել է Ռուսաստանի դիրքորոշումը Հայաստանում «Թրամփի ճանապարհի» վերաբերյալ։ Ռուսական կողմը պատրաստ է Երևանի հետ քննարկել TRIPP նախագծում Մոսկվայի հնարավոր մասնակցության պարամետրերը, «Իզվեստիային» ասել է նա։
««Թրամփի ուղի» նախագծի վերաբերյալ մենք պահպանել ենք մեր դիրքորոշումը։ Հայ-ամերիկյան նախաձեռնության մանրամասները դեռ պետք է ուսումնասիրվեն։ Մենք պատրաստ ենք խորհրդակցել մեր գործընկերների հետ Երևանում՝ քննարկելու ինչպես պարամետրերը, այնպես էլ Ռուսաստանի հնարավոր մասնակցությունը այս կամ այն ձևով», – հայտարարել է Ռուսաստանի արտաքին գործերի նախարարը։
Գալուզինը հիշեցրել է՝ Հայաստանի երկաթուղային ցանցը մինչև 2038 թվականը կառավարվում է «Ռուսական երկաթուղիներ»-ի դուստր ընկերության կողմից, Հայաստանում օգտագործում է ռուսական լայնաչափ երկաթուղային գիծ, իսկ Իրանի հետ սահմանին տեղակայված են ռուս սահմանապահներ։
«Պետք է հաշվի առնել նաև Հայաստանի անդամակցությունը ԵԱՏՄ-ին։ Այս պայմաններում ակնհայտ է, որ մեր գործընկերները չեն կարող առանց Ռուսաստանի», – ընդգծել է փոխնախարարը։
Կարդացեք նաև
Գալուզինը նաև նշել է, որ տարածաշրջանում հաղորդակցությունների ապաշրջափակման գործում արդեն իսկ զգալի առաջընթաց է գրանցվել Ռուսաստանի, Հայաստանի և Ադրբեջանի եռակողմ ձևաչափով՝ փոխվարչապետի մակարդակով։
