Հակակոռուպցիոն դատարանը՝ դատավոր Արամ Գրիգորյանի նախագահությամբ, այսօր քննարկեց նաև ՀՀ նախկին վարչապետ Հովիկ Աբրահամյանի խափանման միջոցը:
«Կարծում եմ՝ կիրառված խափանման միջոցը լիարժեք ապահովում է գործի բնականոն ընթացքը և պարոն Աբրահամյանը պատշաճ վարքագիծ է դրսևորում։ Օրենքն էլ ասում է՝ ավելի ծանր խափանման միջոցներ կիրառվում են այն դեպքում, երբ եղած խափանման միջոցով պատշաճ վարքագիծ չեն դրսևորել։ Կարծում եմ՝ խափանման միջոցները այս պահի դրությամբ փոփոխման ենթակա չեն, պետք է պահպանվեն»,- ասաց Աբրահամյանի պաշտպաններից Երեմ Սարգսյանը։
Հանրային մեղադրողը կասկած հայտնեց, որ Աբրահամյանը ընտրված խափանման միջոցով կարող է ոչ պատշաճ վարքագիծ դրսևորել, հետևաբար պետք է փոխել։
Դատարանը որոշեց անփոփոխ թողնել Աբրահամյանի նկատմամբ ընտրված խափանման միջոց գրավը։
Կարդացեք նաև
Հիշեցնենք, որ Աբրահամյանի նկատմամբ խափանման միջոց էր կիրառվել 25 մլն դրամի չափով գրավը։
Հիշեցնենք, որ Հովիկ Աբրահամյանը մեղադրվում է փողերի լվացման, պաշտոնեական լիազորությունները չարաշահելու և ապօրինի ձեռնարկատիրական գործունեություն իրականացնելու մեջ։
Արփինե Սիմոնյան
