«Ըստ էության` այս ընտրությունը ինքնությունը պահելու, ինքնությունը պաշտպանելու ընտրություն է լինելու, որեւէ մեկը չի լիազորել մի մարդու, ով իրեն համարում է ՀՀ նախագահ, թեեւ հասարակության զգալի մասը կարծես չի էլ ճանաչում իրեն, գնար ու շնորհակալություններ հայտներ Ալիեւին: Որեւէ մեկն, օրինակ, չէր լիազորել, որ նախագահի նստավայրի այն սրահից, որտեղ տեղի էր ունենում Վենսի հետ հանդիպումը եւ ներկայացվում էր անօդաչու սարքը, հանվեր Բաշինջաղյանի «Արարատը», որ տարիներով այդտեղ կախված է եղել»,- «Հանրային-քաղաքական դաշտը՝ ընտրություններին ընդառաջ» թեմայով պանելային քննարկման ժամանակ ասաց ՀՀ ԱԺ «Հայաստան» խմբակցության պատգամավոր Էլինար Վարդանյանը:
«Անկեղծ ասած, երբ նայում էի այդ անօդաչու սարքի ներկայացման արարողությանը, աչքերիս չէի հավատում, որ պատին չկա Արարատի նկարը, որը տարիներով այդտեղ է եղել եւ այդ սրահից երբեւէ չի տեղափոխվել: Փաստորեն, արդեն վախենում ենք, որ անգամ հանկարծ կադրում կհայտնվի Արարատի նկարը, էլ չեմ խոսում ինքնության մնացած բոլոր տարրերի դեմ այս իշխանությունների պայքարի մասին»,-հավելեց Էլինար Վարդանյանը:
Քննարկումն ամբողջությամբ.
Կարդացեք նաև
Գոհար ՀԱԿՈԲՅԱՆ
