Եկեղեցու միջադեպով երկվորյակ եղբայրներից Դավիթ Մինասյանի կալանքի քննության միջնորդությունը քննվում է դատարանում։
Դատական նիստից առաջ Դավիթ և Միքայել Մինասյանների մայրը՝ Գայանե Մինասյանը, բաց նամակով դիմել է դատարանին.
«Հարգելի դատարան, Գայանե Մինասյանս հանդիսանալով Դավիթ Մինասյանը մայրը, խնդրում եմ ընձեռնել որդուս հնարավորություն դատական նիստերին սպասել ազատության մեջ։
Առողջական խնդիրներով պայմանավորված՝ դեռևս չորս տարեկանից Դավիթը ունի շուրջօրյա հատուկ խնամքի կարիք։
Կարդացեք նաև
Ինքս լինելով մասնագիտությամբ բժիշկ, ամենօրյա հոգ եմ տանում նրա առողջության մասին, այդպիսով որպես ծնող, որպես մայր, խնդրում եմ Ձեզ ըմբռնումով մոտենալ իմ խնդրանքին, քանի որ 18 ամյա տղայիս առողջական վիճակը իսկապես անհամատեղելի է կալանքի հետ և կարող է ունենալ ճակատագրական հետևանքներ։
Հավաստիացնում եմ, որ ես և իմ ընտանիքը պատրաստ ենք աջակցել դատարանի անաչառ քննությանը, ուստի կրկին խնդրում եմ ընդառաջել ինձ և թույլ տալ որդուս խնամել տանը՝ մինչ հիմնական դատավարությունը։
Շնորհակալություն
Հարգանքով՝ Գայանե Մինասյան»։
