Թուրքական «Igdirhaber.net» լրատվամիջոցը նյութ է հրապարակել «Սա՞ է Իգդիրի ճակատագիրը՝ փոշի, ցեխ և օդի աղտոտվածություն…» վերնագրով, որտեղ նշվում է, որ Հայաստանի հետ սահմանի բացման դեպքում, ըստ քաղաքացիների, Իգդիրը պատրաստ չէ միջազգային լոգիստիկ կենտրոն դառնալու:
Ըստ կայքի՝ այս օրերին Իգդիրը գտնվում է օրակարգում ոչ միայն իր ռազմավարական նշանակությամբ, այլև տարիներով չլուծված ենթակառուցվածքային և բնապահպանական խնդիրներով: Մասնավորապես նշվել է, որ ձմռանը ցեխի, իսկ ամռանը՝ փոշու պատճառով քաղաքում լուրջ խնդիրներ են առաջանում: Ըստ կայքի՝ աղտոտվածությունը լուրջ վտանգ է առաջացնում առաջին հերթին տեղի բնակչության առողջության համար:
«Մինչ մեզ՝ աշխարհի հետ կապող ճանապարհները բացվում են, մենք մեր սեփական թաղամասերում կկարողանա՞նք ազատվել ցեխից: Արհեստական բանականության դարում մենք չենք ընդունում այնպիսի քաղաքի տեսլական, որտեղ չենք կարող շնչել, որտեղ փողոցներում հնարավոր չէ քայլել»,- նշում են քաղաքացիները։
