Մոսկվայի և Երևանի միջև Հայաստանի երկաթուղու երկու հատվածների վերանորոգման շուրջ բանակցությունները շարունակվում են․ խորհրդարանում, լրագրողների հետ զրույցում ասաց ԱԺ «Քաղաքացիական պայմանագիր» խմբակցության պատգամավոր Սարգիս Խանդանյանը՝ հավելելով, որ իր պատկերացմամբ, ռուսական կողմը պիտի ներկայացնի իր պատկերացումները, թե ինչպե՞ս է պատրաստվում բարելավվել այդ երկաթուղու գործարկումը՝ հաշվի առնելով, որ այն Հայաստանի տրանզիտից վերածվելու է միջազգային տրանզիտի։ ՔՊ-ական պատգամավորը նկատի ունի, որ ռուսական կողմը պետք է հայտարարի, թե որքա՞ն և ի՞նչ որակի ներդրումներ է պատրաստվում անել։
Լրագրողի դիտարկմանը՝ երկաթուղու այն հատվածները, որոնք ռուսական կառավարման ներքո են, և որոնց վերանորոգումն անհրաժեշտ է ընդհանուր ապաշրջափակման համար, արդեն ֆիքսվա՞ծ է, Սարգիս Խանդանյանը պատասխանեց, որ չի կարող նման հայտարարություն անել կամ հաստատել դա. «Բանակցություններ են ընթանում։ Գիտեք, Հայաստանի համար ամենաէականն այն է, որ դա կատարվի արագ, որովհետև մեզ անհրաժեշտ է հնարավորինս շուտ ապաշրջափակել մեր ենթակառուցվածքները հարևանների հետ: Ուստի այդտեղ ժամկետների և դետալների վերաբերյալ, կարծում եմ, պետք է տեսնենք, ստանանք ռուսական կողմի պատկերացումները, դրանից հետո որոշում կայացնենք։ Թե որ փուլում են բանակցությունները, ես չեմ կարող ասել»։
Ի դեպ, խոսելով առաջիկա խորհրդարանական ընտրություններում կուսակցական ցուցակում ընդգրկվելու մասին, ՔՊ-ական պատգամավորն ասաց․ «Ես կարծում եմ, որ ես, որպես պատգամավոր վատ չեմ աշխատել և նաև իմ աշխատանքը, որպես ԱԺ արտաքին հարաբերությունների հանձնաժողովի նախագահ, իմ աշխատանքը արդյունավետ եմ գնահատում»։
Կարդացեք նաև
Նելլի ԳՐԻԳՈՐՅԱՆ
