«Պատիվ ունեմ» խմբակցության պատգամավոր Տիգրան Աբրահամյանի ֆեյսբուքյան գրառումը
Իշխանության ողջ հույսն ու հավատը ուժայինների անօրինական գործողություններն են, որոնք ամենօրյա ռեժիմով կոնկրետ թիրախներով են աշխատում։
Մի օր առաջ դա Իզմիրլյան հիվանդանոցն էր՝ Արմեն Չարչյանի ու Մայր Աթոռի դեմ գործողությունների համատեքստում։
Դրանից մեկ օր առաջ՝ Մասիս համայնքի նախկին ղեկավար Դավիթ Համբարձումյանի եղբայրը՝ Գոռը, ում Դավիթի դեմ անբարոյական գործողությունների շրջանակում կալանավորեցին։
Որքան ընտրությունները մոտենան, այնքան Փաշինյանը սրելու է խաղը՝ ահագնացնելով ապօրինությունների ծավալները, դրանում ուժայինների նոր ներկայացուցիչների ներգրավելով և նրանց վզին ծանր պատասխանատվություն կապելով։
