Փետրվարի 22-ը Ասկերան քաղաքի Վերածննդի օրն է: 1988 թվականի հենց այդ օրն ասկերանցիներն ու հարակից բնակավայրերի բնակիչները կարողացան արժանի հակահարված տալ թշնամուն և հետագա հաղթանակների հիմքը դնել: Հետագայում Ասկերանի քաղաքապետարանի որոշմամբ այն հռչակվեց Ասկերան քաղաքի Վերածննդի օր, իսկ քաղաքի կենտրոնական հրապարակը, որտեղ հեռավոր 88-ին առաջին անգամ բռունցքվեցին ասկերանցիները, կոչվեց Փետրվարի 22-ի հրապարակ:
Իր հիշողություններն է մեզ հետ կիսում Արցախյան շարժման առաջամարտիկ, Արցախյան բոլոր պատերազմների մասնակից, Ասկերանի նախկին քաղաքապետ Թաթուլ Շեկյանը
-1988-ի փետրվարը կարևորագույն իրադարձություններով էր լցված։ Այլևս հատել էր արցախցու համբերության սահմանը, և մեր պահանջն էր միանալ մայր Հայաստանին: Այդ ժամանակ մենք շատ համախմբված էինք, վճռական, համարձակ:
Առաջին անգամ պատմության մեջ մեր ժողովուրդը որոշեց չենթարկվել քաղբյուրոյի որոշմանը, քանի որ այն մեզ տանում էր դեպի կործանում: Մենք որոշեցինք չարժանանալ Նախիջևանի ճակատագրին, և ժողովուրդն ընտրեց ընդդիմանալու, պայքարելու ճանապարհը:
Կարդացեք նաև
Հավերժ փա՜ռք ու պատիվ մեր նվիրյալներին․․․ Տղաների արյամբ շաղախված սուրբ հողում ապրեցինք ու շարունակեցինք կերտել բարգավաճ երկիր։ Իհարկե, թշնամին շարունակում էր իր ոտնձգությունները։ Մեր ժողովուրդը հաղթահարեց ապրիլյան քառօրյա, 2020-ի 44-օրյա պատերազմները, 9-ամսյա շրջափակումը, սակայն 2023-ին, ցավոք, կորցրինք մեր դրախտավայր Արցախը․․․
․․․Այսօր Ասկերանի Վերածննդի օրն է, և ես ուզում եմ շնորհավորել իմ հաղթանակած ժողովրդին ու հորդորել, որ երբեք չընկճվի, չկորցնի Արցախ վերադարձի հույսը։ Ուզում եմ հավատալ, որ վերածնունդներ դեռևս լինելու են․․․
Կարինե ԲԱԽՇԻՅԱՆ
Նյութն ամբողջությամբ՝ սկզբնաղբյուր կայքում
