Aravot.am-ի տեղեկություններով՝ Գյումրու ոստիկանության Մուշ բաժնի աշխատակիցները պարզել են, թե ով է Գյումրու թիվ 15 դպրոցում ռումբ տեղադրված լինելու մասին ահազանգ հնչեցրել ոստիկանություն։
Ինչպես հայտնի է՝ փետրվարի 23-ին ՆԳՆ ոստիկանության Շիրակի մարզի օպերատիվ կառավարման կենտրոնն ահազանգ է ստացել այն մասին, որ Գյումրու թիվ 15 դպրոցում ռումբ է տեղադրված։
Դեպքի վայր մեկնած ոստիկանության Մուշ բաժնի օպերատիվ խումբը՝ Նորսոյանի գլխավորությամբ, պարզել է, թե ով է ահազանգի հեղինակը։ Նրանք պարզել են, որ տվյալ հեռախոսահամարը պատկանում է Գյումրու թիվ 19 դպրոցի աշակերտներից մեկին, որի հեռախոսահամարով նույն դպրոցի մեկ այլ աշակերտ է ահազանգել ոստիկանություն։
Աշակերտը հայտնել է, որ ահազանգը չի համապատասխանում իրականությանը, և որ ինքը կատակ է արել՝ չգիտակցելով հետևանքները։
Կարդացեք նաև
Մուշ բաժնի հատուկ կարևոր գործերով ավագ համայնքային ոստիկան Իսահակյանը հաղորդում է ներկայացրել հանցանքի մասին, փաստաթղթերն ուղարկվել են ՀՀ Քննչական կոմիտեի Շիրակի մարզային քննչական վարչություն։
