«Ես այստեղ եմ, մենք այստեղ ենք որոշելու մեր երկրի ճակատագիրը, որոշելու մեր երկրի ապագան, պաշտպանելու այն և հզորացնելու մեր պետությունը։ Պետություն, որտեղ ամեն ինչ որոշվելու է օրենքով, այլ ոչ թե հեռախոսազանգով կամ SMS միջոցով, որտեղ պաշտոնը նվեր չէ, այլ ծանր բեռ, պարտականություն, պատասխանատվություն»,-«Միասնության թևեր» քաղաքական նախաձեռնության ծրագրի ներկայացման միջոցառման ժամանակ հայտարարեց «Միասնության թեւեր» քաղաքական նախաձեռնության անդամ Լիպարիտ Դրմեյանը։
Մանրամասները՝ տեսանյութում
Լիպարիտ Դրմեյանը վստահեցրեց՝ ստեղծելու են պետություն, որտեղ պետական համակարգը ծառայում է քաղաքացուն, ոչ թե իշխող խմբին․ «Մենք կառուցելու ենք համակարգ, որի հիմքում լինելու է կայուն, հստակ ու բոլոր քաղաքացիների համար տեսանելի ու թափանցիկ մեխանիզմներ։ Քաղաքացու ճակատագիրը չպետք է կախված լինի չինովնիկի քմահաճույքից, այս կամ այն որոշումից։ Հանրային պաշտոնները, պետական պաշտոններն այլևս չեն լինելու մատուցած ծառայությունների համար տրվող նվեր, չեն լինելու հիփոթեքային վարկը մարելու միջոց, չեն լինելու սեփական բարեկեցությունն ապահովելու միջոց»։
Կարդացեք նաև
«Միասնության թևեր» քաղաքական նախաձեռնության ծրագրի ներկայացման միջոցառումն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
