«Ազգ». Ինչպես նախատեսված է Իրանի Իսլամական Հանրապետության Սահմանադրությամբ, Իրանի Գերագույն հոգևոր առաջնորդ Ալի Խամենեիի մահվանից հետո՝ 2026 թվականի մարտի 1-ին, ձևավորվեց գերագույն առաջնորդի գործառույթներն իրականացնող ժամանակավոր խորհուրդը։
Սահմանադրության համաձայն՝ Գերագույն առաջնորդի մահվան, պաշտոնանկության կամ հրաժարականի դեպքում գործում է իրավահաջորդության հստակ կարգ, ըստ որի՝ նոր առաջնորդի ընտրությունը գտնվում է Բանիմացների խորհրդի իրավասության ներքո։ Ժողովրդի կողմից ընտրված, բարձրագույն հոգևորականներից կազմված Բանիմացների խորհրդի անդամները պարտավոր են հնարավորինս սեղմ ժամկետում ընտրել նոր առաջնորդ։
Մինչև նոր Գերագույն առաջնորդի ընտրությունը նրա լիազորությունները ստանձնում է Ժամանակավոր խորհուրդը, որը բաղկացած է երեք անդամից՝ Հանրապետության նախագահից, Դատական իշխանության ղեկավարից և Սահմանադրության պահապանների խորհրդի կրոնագետ (ֆաքիհ) անդամից, որն ընտրվում է Համակարգի նպատակահարմարությունը բնորոշող խորհրդի կողմից։
Այսպիսով, 2026 թվականի մարտի 1-ի դրությամբ, ԻԻՀ Գերագույն առաջնորդի գործառույթներն իրականացնող Ժամանակավոր խորհրդի կազմում ընդգրկվել են՝
Կարդացեք նաև
ԻԻՀ նախագահ Մասուդ Փեզեշքիանը,
ԻԻՀ դատական իշխանության ղեկավար Ղոլամհոսեյն Մոհսենի Էժեին,
Պահապանների խորհրդի կրոնագետ (ֆաքիհ) անդամ Ալիռեզա Արաֆին։
Գրիգոր Առաքելյան, Արտակարգ և լիազոր դեսպան
Նյութն ամբողջությամբ՝ սկզբնաղբյուր կայքում:
