«Ասում եք՝ պատմական ձեռքբերում, պատմական ձեռքբերումը չափելի չէ։ Սևանի մակարդակը նախորդ տարվա համեմատ 10 սմ-ով իջել է։ Դրա պատմական ձեռքբերումը ո՞րն է։ Նախորդ ամսվա համեմատ՝ մեկ-երկու սմ, որ բարձր է, սա պատմական մեծ ձեռքբերո՞ւմ է»,- ԱԺ նիստի ժամանակ հարցրեց «Հայաստան» խմբակցության պատգամավոր Արման Ղազարյանը՝ անդրադառնալով ՀՀ տարածքային կառավարման եւ ենթակառուցվածքների նախարարության ջրային կոմիտեի նախագահ Արամազդ Ղալամքարյանի հայտարարություններին։
Պատգամավորը վստահեցրեց՝ ջրի կորուստները շատ են, որի մասին կառավարությունը չի բարձրաձայնում․ «Տեղեր գիտեմ՝ 70-80 տոկոս կորուստ կա՝ չնայած թույլատրելի սահմանը 40-նն է։ Դրա համար էլ չեք բարձրաձայնում։ Վարկային միջոցներ ներգրավելիս պետք է ասեիք՝ փաստացի ոռոգման գյուղական համակարգերում ունենք էսքան կորուստներ, և վարկային միջոցներ ներգրավելիս կորուստները կիջնեն այսքան, բնականաբար ոռոգման ջրի սակագինը 11 դրամից փորձեր կարվեն նվազեցնել։ Բայց չէ, նման բան չեք ասում, փոխարենը լողացող ու կցկտուր հայտարարություններ»։
ԱԺ նիստն ամբողջությամբ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
