Առաջին նախագահ Լեւոն Տեր-Պետրոսյանն օրերս հայտարարել էր, որ պառակտված ընդդիմությանը միավորելու միակ կարող ուժը գործարար Սամվել Կարապետյանն է։
Այսօրվա ասուլիսում հարց ուղղվեց «Միասնության թեւեր» քաղաքական նախաձեռնության ղեկավար Արման Թաթոյանին՝ հնարավոր համարո՞ւմ է, որ Սամվել Կարապետյանի շուրջ ընդդիմադիր ուժերի համախմբում տեղի ունենա։
«Դա առաջին նախագահի դիրքորոշումն է, մենք ունենք մեր օրակարգը, գնում ենք առաջ ըստ հայտարարված օրակարգի»,- ասաց Թաթոյանը։
Հարցին, թե բացառո՞ւմ են, որ որեւէ ուժի կմիանան, Արման Թաթոյանը պատասխանեց․ «Մեր դռները բաց են բոլորի համար, ով ունի մեր սկզբունքները, կիսում է մեր արժեքները եւ մեր գաղափարախոսությունը։ Մեզ համար կարեւոր է նաեւ Սփյուռքը, Սփյուռքի հետ էլ ենք համագործակցում։ Մենք հայտարարել ենք, որ «Միասնության թեւեր» քաղաքական նախաձեռնության վարչապետի թեկնածուն Արման Թաթոյանն է։ Եվ մենք այս պահին չունենք օրակարգ որեւէ մեկին միանալու, չենք էլ ունենա մինչեւ ընտրություններ։ Հետագայում քննարկումները բոլորովին այլ հարց է»։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
