ՎԵՐՋ ՏՎԵՔ ԲԱՐԲԱՐՈՍՈՒԹՅԱՆԸ
«Միասին» այլընտրանքային հասարակական-քաղաքական շարժումն իր խոր մտահոգությունն է արտահայտում և անընդունելի է համարում Իրանի դեմ ԱՄՆ-ի և Իսրայելի սանձազերծած հրթիռակոծությունները։
Մեր խորին ցավակցություն ենք հայտնում Իրանի բարեկամ ժողովրդին իր գերագույն հոգևոր առաջնորդի, քաջարի զինվորական գործիչների, քաղաքացիական բնակչության, ամենասարսափելին, անմեղ երեխաների սպանության զարհուրելի փաստերը դատապարտելով։
«Միասին» շարժումը համոզված է, որ բոլոր քաղաքակիրթ և իրական ժողովրդավար պետություններն ու կառույցները դատապարտում են ռազմական այս հարձակումը Իրանի վրա, որը հակասում է ընդունված միջազգային իրավունքին։
Կարդացեք նաև
Հույս ունենք, որ ռազմական գործողությունները կդադարեցվեն հնարավորինս շուտ, և հակամարտող կողմերը կնստեն բանակցությունների սեղանի շուրջ դիվանագիտությամբ, ոչ թե մահ սփռելով լուծելու ծագած խնդիրները։
Աստված զորավիգ Իրանի ժողովրդին, երկնային խոհեմություն և իմաստնություն հակամարտության մեջ ներքաշված բոլոր կողմերին։ Աշխարհակարգը բիրտ ուժով և մարդկանց զանգվածային սպանություններով միակողմանի փոփոխելու ճիգերը պետք է դադարեցվեն փոխադարձ համաձայնությամբ, դիվանագիտական ջանքերով։
«Միասին» այլընտրանքային հասարակական-քաղաքական շարժման
Համակարգող խորհուրդ
