Բազմաթիվ օգտատերեր էլ. փոստի միջոցով կարող են ստացած լինել «Քաղաքացիական պայմանագիր» կուսակցության անունից տարատեսակ կեղծ հաղորդագրություններ։ Զեղծարարների կողմից գործարկվել էր «civilcontact.am» դոմենային անվանումը և ստեղծվել կեղծ էլեկտրոնային փոստեր, որոնց հիմնական նպատակն է եղել խաբեության եղանակով տիրանալ զգայուն տվյալների (տվյալ դեպքում էլեկտրոնային փոստերին) կամ տարածել որևէ ապատեղեկատվություն։
Սա ֆիշինգային հարձակման վառ օրինակ է։
Եղե՛ք զգոն, միշտ ստուգե՛ք հաղորդագրություն ուղարկողի ամբողջական տվյալները և մի անցեք կասկածելի հղումներով։
ՀՀ ՆԳՆ ոստիկանություն
