ՀՀԿ գործադիր մարմնի անդամ Արտակ Զաքարյանի ֆեյսբուքյան գրառումը
Մերձավորարևելյան դաժան հրաձգարանի ֆոնին՝ ավելի ու ավելի ծիծաղելի է դառնում Ադրբեջանի վիճակը:
Ալիևը չգիտի ինչ անի, որպեսզի մի կողմից ԱՄՆ-ին ու Իսրայելին ցույց տա, իբրև թե իրենց կողմից է և պատրաստ է պայքարել Իրանի դեմ: Որովհետև հայկական Արցախի օկուպացիայի ու բռնի հայաթափման հարցում առնվազն պարտք է մնացել նրանց:
Մյուս կողմից՝ փորձում է բարեկամություն խաղալ ու գոհացնել Իրանին, և չընկնել վերջինիս նավթակործան հրթիռների տակ, քանի որ հայկական Արցախի օկուպացման հարցում ստացած լոյալության համար Բաքուն պարտք է մնացել նաև Իրանին:
Կարդացեք նաև
Մեկ այլ կողմից Արցախը հեշտությամբ օկուպացրած ու սեփական ժողովրդի աչքին հերոս կտրած պաշտոնական Բաքվի «հետույքն այրում են» նաև Նախիջևանի օդակայանի վրա ընկած ԱԹՍ-ները: Բաքուն կանգնել է նաև իր ժողովրդի առջև սեփական «հերոսական» դեմքը փրկելու անկարողության առջև:
