Իսրայելի ընդդիմության առաջնորդ Յաիր Լապիդը ֆեյսբուքյան իր էջում նշել է. «Ժամանել եմ Թել Ավիվում հրթիռի ընկնելու վայր: Հրթիռի երկրորդ մասն ընկել է այստեղից ոչ հեռու՝ 91 տարեկան մայրիկիս տան մոտ։
Սա է մեր եւ նրանց տարբերությունը. մենք փորձում ենք ազատվել աշխարհի խաղաղությանը սպառնացող ռեժիմից, իսկ նրանք փորձում են սպանել քաղաքացիներին»:
Յաիր Լապիդը «Ազատություն» ռադիոկայանին տված հարցազրույցում էլ ասել է, թե Իսրայելն իրեն իրավունք է վերապահում հարված հասցնել ցանկացած նոր գերագույն առաջնորդի, որն իշխանության կգա Ալի Խամենեիի մահից հետո: Այս մասին հայտնում է «Ազատությունը»։
Կարդացեք նաև
Երբ հայտարարությունից առաջ նրան հարցրել են՝ արդյոք Իսրայելը փորձելո՞ւ է սպանել նոր առաջնորդին, Լապիդը պատասխանել է. «Դա կախված է նրանից, թե ով կլինի առաջնորդը»։
Նրա համոզմամբ՝ ներկայիս ղեկավարությունն «ահաբեկչական կազմակերպություն է»։
Լապիդը հավելել է՝ Իրանի նավթային «կենսաապահովման գիծը» պետք է կտրվի:
Խամենեիի նշանակման մասին հայտարարությունից կարճ ժամանակ անց Իրանը հայտարարել է, որ հրթիռների համազարկ է արձակել Իսրայելի ուղղությամբ։
