ԱՄՆ-ում ՀՀ դեսպան Նարեկ Մկրտչյանի ֆեյսբուքյան գրառումը
Լոս Անջելես կատարած աշխատանքային այցիս ընթացքում մեծ հաճույք ունեցա հանդիպելու Հանրային դիվանագիտության Գարիբայ ինստիտուտի հիմնադիր, պրոֆեսոր Ֆերնանդո Գարիբայի, ինչպես նաև նույն ինստիտուտի նախագահ Ռոնալդ Գաննելի հետ: Ինստիտուտը համագործակցում է ԱՄՆ կառավարության, Կոնգրեսի, ինչպես նաև տարբեր համալսարանների, միջազգային կազմակերպությունների և անհատների հետ։
Ֆերնանդո Գարիբայը կարևոր ներդրում է ունեցել ժամանակակից փոփ երաժշտության ձևավորման մեջ՝ հատկապես նպաստելով գերաստղ Լեդի Գագայի կայացմանը։ Նրա պրոդյուսերական և երաժշտական համագործակցությունների ցանկում են բազմաթիվ աշխարհահռչակ աստղեր, այդ թվում՝ Ուիթնի Հյուսթոնը, Բրիթնի Սփիրսը, Շակիրան, Սնուփ Դոգը, Բրունո Մարսը, Քայլի Մինոուգը, Էնրիկե Իգլեսիասը, Ռիկի Մարտինը, Մարկ Էնթոնին, Սթինգը, Վիզ Խալիֆան և այլք։
Հանդիպման ընթացքում պայմանավորվեցինք համագործակցել հանրային և մշակութային դիվանագիտության տարբեր նախաձեռնությունների շուրջ։
