ԱԺ «Հայաստան» խմբակցության ղեկավար Սեյրան Օհանյանը հայտնում է.
«Այսօր Ազգային ժողովում «Հայաստան» խմբակցության պատգամավորներ Աննա
Գրիգորյանի և Արթուր Խաչատրյանի հետ հանդիպել ենք «Հայաստանում Ժողովրդավարության միջազգային դիտարան» (International Observatory for Democracy in Armenia – IODA) նախաձեռնության հիմնադիր և համակարգող Ֆիլիպ Քալֆայանի, Գործադիր խորհրդի ներկայացուցիչներ Քեննեթ Թոմաս Ռոթի, Սառա Լի Սալլի Ուիթսոնի, Մարկ Էնդրյու Ջոնսի հետ։
Պատվիրակությունը հանդիպումներ է անցկացնում պետական և անկախ մարմինների, քաղաքական և քաղաքացիական հասարակության կազմակերպությունների և ոլորտային փորձագետների լայն շրջանակի հետ։
Մեզ հետ հանդիպման նպատակն էր քննարկել Հայաստանի առաջիկա խորհրդարանական
ընտրություններին և հետընտրական ժամանակահատվածին վերաբերող հարցեր։
Կարդացեք նաև
Պատասխանելով հյուրերի հարցերին նաև նախընտրական գործընթացների վերաբերյալ՝
օբյեկտիվորեն ներկայացրել ենք իրավիճակը՝ փաստելով, որ Հայաստանում իշխող ուժը, կոպտորեն խախտելով իրավական, բարոյական նորմերը, պետության բոլոր լծակները, ուժային կառույցները ծառայեցնում է սեփական վերարտադրության համար՝ միևնույն ժամանակ իրականացնելով բռնաճնշումներ, անհիմն ձերբակալություններ ընդդիմադիր գործիչների նկատմամբ, ինչը ևս մեկ անգամ ապացուցում է, որ իշխանությունը և նրան ընդդիմադիր բոլոր ուժերը գտնվում են պայքարի անհավասար պայմաններում»։
