-Արդեն քանի տարի է՝ այսօրվա իշխանությունները հետեւողականորեն թիրախավորում են մեր ազգային արժեքները: Ու անցած տարվանից սկսած՝ Հայ Առաքելական եկեղեցու դեմ արշավը փաստում է այն իրականությունը, որ այս իշխանությունը բացարձակ կապ չունի ո՛չ Հայաստանի, ո՛չ հայերի հետ: Իրենց հիմնական նպատակը մեր ազգային արժեքների վերջնական ոչնչացումն է: Չեմ ճանաչում մի հայի, ով երբևէ իր կյանքում այսքան կարող է ստորացնել մեր ազգային արժեքները: Սամվել Կարապետյանն իր ամբողջ կյանքի ընթացքում նվիրված է եղել հայ ժողովրդին ու Հայաստանին,- այսօր գլխավոր դատախազության շենքի դիմաց ի պաշտպանություն բարերար, «Ուժեղ Հայաստան» կուսակցության առաջնորդ Սամվել Կարապետյանի իրականացվող ակցիայի ժամանակ հայտարարեց «Ուժեղ Հայաստան» կուսակցության անդամ Գառնիկ Դավթյանը:
Հիշեցնենք, որ այսօր՝ Սամվել Կարապետյանի դատական նիստի օրը, ամբողջ քաղաքում ի պաշտպանություն Սամվել Կարապետյանի եւ նրա ազատության պահանջով, նրա աջակիցները ֆլեշմոբ են անցկացնում:
-Նիկոլ Փաշինյանի վախը պայմանավորված է Սամվել Կարապետյանի հզորությամբ ու ուժեղությամբ, իսկ թույլ մարդիկ իրենց ձեռքին ունենալով իշխանություն՝ փորձում են ճնշումները ոչ թե բանեցնել մեր արտաքին թշնամիների, այլ մեր երկրի ներսում կարեւոր ներդրում ունեցող անձանց նկատմամբ: Պահանջում ենք ազատություն Սամվել Կարապետյանին, որ վերջ դրվի հալածանքներին ու ապօրինություններին: Մեր ժողովուրդը դարերով չի եկել հասել այստեղ, որ Նիկոլ Փաշինյան ինչ-որ մեկը՝ վարչապետի կարգավիճակով մեզ ենթարկի այս տեսակ հալածանքների,- հավելեց Գառնիկ Դավթյանը:
Կարդացեք նաև
Ըստ նրա՝ շատ է շահարկվում Սամվել Կարապետյանի դերակատարությունը ՌԴ-ով պայմանավորված, բայց այդ շահարկումները մանիպուլյացիաներ են. «Մանիպուլյատիվ, կեղծ տեղեկությունները շուտվանից ազդեցություն չունեն: Ամբողջ աշխարհով ոչ միայն Ռուսաստանում Սամվել Կարապետյանն ունի լայն կապեր ու հնարավորություններ»:
Արփինե ՍԻՄՈՆՅԱՆ
