«Սահմանափակող միջոցները պիտանի են և անհրաժեշտ». «ՀԵՑ»-ին վերաբերող ՍԴ որոշման հիմնավորումները. «Հետք»

Ազգային ժողովի ընդդիմադիր պատգամավորները 2025թ. հուլիսի 11-ին Սահմանադրական դատարան (ՍԴ) դիմում էին մուտքագրել՝ «Էներգետիկայի մասին» և «Հանրային ծառայությունները կարգավորող մարմնի մասին» օրենքների մի շարք դրույթներ Սահմանադրությանը համապատասխանելու հարցը որոշելու խնդրանքով: 2026թ. մարտի 12-ին ՍԴ-ն որոշեց, որ օրենքների կարգավորումները համապատասխանում են Սահմանադրությանը: Ներկայացնում ենք գործի մանրամասները ու ՍԴ-ի որոշման հիմնավորումները:

Հիշեցնենք, որ ընդդիմադիր պատգամավորները ՍԴ էին դիմել «Հայաստանի էլեկտրական ցանցեր» ՓԲԸ-ի շուրջ ծավալված գործընթացներից հետո: Հայաստանյայց առաքելական եկեղեցուն աջակցություն հայտնելուց հետո իրավապահները ձերբակալեցին, այնուհետև կալանավորեցին «Տաշիր» ընկերությունների խմբի նախագահ, գործարար Սամվել Կարապետյանին:

Դրան հաջորդեցին մի շարք օրենքներում փոփոխություններ կատարելու նախաձեռնությունները, որպեսզի դյուրացվի ՀԷՑ-ին լիցենզիայից զրկելն ու ընկերության կառավարումը պետությանը փոխանցելը:

Հանրային ծառայությունները կարգավորող հանձնաժողովը (ՀԾԿՀ) 2025 թ․ նոյեմբերի 13-ին հրավիրված նիստում քննարկել է ՀԷՑ-ի էլեկտրական էներգիայի (հզորության) բաշխման լիցենզիան դադարեցնելու հարցը՝ այն ուժը կորցրած ճանաչելու միջոցով։ Հանձնաժողովը, որպես լիցենզիայից զրկելու հիմք, նշել է ՀԷՑ-ի կողմից թերգրանցումները, հավելագրումները, ոչ հավաստի տեղեկատվության տրամադրման, ցանցային և շուկայի կանոնների և այլ խախտումները։

Կարդացեք նաև

Ինչու է մերժվել ՀԵՑ-ի էլեկտրաէներգիայի սակագինը վերանայելու առաջարկը». Հարցում` ՀՀ հանրային ծառայությունները կարգավորող հանձնաժողովի նախագահին

• 22:00 03.11.2025

Ով կմտածեր, որ սոցիալիզմն ու ավտորիտարիզմը մերժելուց 30 տարի անց նորից հետ գնալու կոչեր ու պրոցեսներ կգնան․ Վահրամ Միրաքյան

• 10:40 22.06.2025

Կարեն Դարբինյան. «ՀԷՑ-ը էլեկտրամատակարարման խափանումները արագ վերացնելու համար օպերատիվ օգնում է նաեւ այլ կազմակերպությունների, չնայած դա իր պարտականությունների մեջ չի մտնում»

• 13:52 04.09.2024

«Էներգետիկայի մասին» օրենքով սահմանված է, որ Հանրային ծառայությունները կարգավորող հանձնաժողովն իրավասու է իր սահմանած կարգով էներգետիկայի բնագավառում իրականացնել լիցենզավորում՝ տրամադրել լիցենզիաներ, երկարաձգել դրանց գործողության ժամկետները, վերաձևակերպել, կասեցնել և դադարեցնել դրանց գործողությունը, ինչպես նաև սահմանել լիցենզիաների պայմանները, վերահսկել դրանց կատարումը և կիրառել պատասխանատվության միջոցներ: Նշված դրույթը փոփոխվել է 2021թ. նոյեմբերի 18-ին:

ՍԴ դիմած պատգամավորները գտնում են, որ Հանրային ծառայությունները կարգավորող հանձնաժողովը ստացել է լիազորություն՝ ուղղակիորեն դադարեցնել լիցենզիան՝ առանց դատարան դիմելու: Նրանց դիտարկմամբ՝ դատական կարգի նման շրջանցումը դատական կարգով սեփականությունից զրկել սահմանադրական պահանջի խախտում է:

Մանրամասները` սկզբնաղբյուր կայքում։